Lotu

 

'E 'Otua Mäfimafi ë ko e Tu'i 'o e Laui Kuonga
Kokoe ia ‘ae Liuanga pea mo e LiuKava

‘Oku ke ‘afio he tapa kotoa pea fatufatu misiteli Ho’o Founga

Mau ‘unu’unu atu ki he Fala ho’o Kaveinga Tapu kuo Fofola

Ke paa kiai ho mau Laumalie pea vikia ‘I ho’o Tau’ataina

 

‘E mau mo'ui te'eki a'u, ‘ikai taau mo Ho’o Folofola

‘Oku kei faka’ilonga’I ai ‘a e pukupuku homau to’onga

Ka koho’o founga misitieli ‘oku kofukofu ‘aki ‘a e ‘Ofa 

Neongo ‘emau too nounou, mau kei holo atu pe ki ho taulanga

He koe fefiefekau’aki mo e paenga tapu ‘a e ‘Afiona

Pea hange ha fie matamu’a ‘emau fie fakahounga

fakafeta’I ‘oku kaunahu ‘aki ho’o Manava’ofa.

 

Koe ohi tama ‘a Kelesi ke talia ho pununga tapu

‘Ikai lau ‘emau ta’e taau ka ‘oku ke fai pe homau ‘au’au

He neongo homau too nounou, ‘oku ke kei fakakau

‘Oku ke ohi atu pe ke feohi ho takanga tapu 

Pea ‘oku fai mei ai homau tala mo homau fakafekau

Kavahia ‘a loto, ‘oku fai meiai ho mau fotufotu malu

Kelesi Laulotaha, kuo fola mai ho’o Kovinanite fo’ou

 

Ako’I kimautolu ke ‘ilo homau tangata ‘I he ‘ao e ‘Otua

Ke ‘aa homau mata ke sioa ta’epulou ‘a ho fofonga

‘A ho’o Kelesi ‘oku kaunahu’aki ‘a ho’o fai meesi

Ki he tapina ‘I maamani mo ‘emau hikihiki teniti

Ka mau tuku tupe pea tuku mo’ui

‘O tu’u matafala pea lau kai ki ‘Itaniti

He fakafeta’I he ‘oku kei laukuonga ‘a ho’o tupe mei langi

Pea ‘oku fai ai ho mau fakafeta’i

Pea taumalingi mei ai ho mau ngaahi tapuaki

 

‘Oku mau hanga hake koe ‘uhia ko si’I ta’aliekina

No’o a e mafai ‘o ha’a fakaehaua

Pea fakamanavahake ‘a si’I tukuhausia

‘O pukepuke hake ha laumalie ‘oku fulutamakia

Hu’ihu’I kavenga pea teke kiho takanga tapuna

'ö'öfaki ki pea ohi atu ki ho’o lelei toputapu na

Ki he taloni ho’o Kelesi ko homau ‘api tau’ataina

 

Kehe pe ke mau ofi atu ai

Kemau ope atu mei taimi ki ‘itaniti

Ke fakalanu langi si’emau fakfeangai

Me’ite ho’o Kelesi ke fai homau fakalelei

He koe tali fatongi pe kuoke fakakakato mai

Pea faka’Otua ma’u aipe ‘a ‘emau feohi mo ‘Atonai