Huelo La’aā ‘ihe Pilisone malu

 Huelo La’aā ‘ihe Pilisone malu

(Fa’u e Mateaki Lolohea ta’u 2000 he Pilisone malu Hu'atolitoli)

‘E Tamai ko ho’o fu’u ‘ofa na
‘Oku ke  fu’u ofongi’aki ‘eku mūnoa
Kuo ke tokonaki ma’aku ha nofo’anga
Ka na’e muna pe ko ko ‘eku lotolotoua

‘Oku ke fakatonutonu au ‘i ho’o ‘ofa
Pea ke kinisi keu hoko ko ho  foha
Kuo ke omi ‘eni ha faingāmalie
Hoku motu’a tangata ke fakangangana

‘Oku faka-’Otua pe ‘eku nofo popula
Ko ‘eku mo’ui keu liuanga mo lau ho’o folofola
Keu teuteu lelei ‘Eiki lelei ho hā’ele’anga
Ko ‘eku loto ‘apasia mo foua hono ngaahi ‘alunga

Neongo ‘eku ha’isa he nofo hopoate
Teu kei tau’ataina pe ke piki kiate koe
‘Omi mu’a ho’o fakamolemole
Pea ke tokoni’i au ke oua na’aku toe hē

Tau
Na’aku mei fēfē nai kapau na’e ‘ikai teke kinisi?
Kou kei mo’ui nai kapau na’e ‘ikai loka’i?
Teu lau hoku mamahi ni ko ho’o ‘ofa ia mo ho’o  tapuaki
Faka’ā mu’a ‘Eiki keu matanga mei mamani
‘Eiki ē tokoni mai koau